2023 წლის 8 დეკემბერს, სომხეთის სიდიდით მეორე ქალაქში, გიუმრში განვითარების ლიდერთა ფორუმმა დაიწყო მუშაობა. ღონისძიების ორგანიზატორია ჰუმანიტარული ფონდი „კომუნიკაციების განვითარების საერთაშორისო ინსტიტუტი“ ( ფონდი “მირ”-სომხეთი) ფორუმში მონაწილეობენ ახალგაზრდა ლიდერები სომხეთის სხვადასხვა რეგიონიდან.
განვითარების ლიდერების ფორუმი – ეს არის ინოვაციური საერთაშორისო პროექტი ახალგაზრდა სომეხი ლიდერებისთვის კარიერული ზრდის დასაწყებად, რომლის მიზანია სომეხი ახალგაზრდების ლიდერობის უნარების განვითარება. ფორუმზე მომხსენებლების როლს შეასრულებენ დეპუტატები, ბიზნესმენები და მეცნიერები.
MIR Foundation-ის მხარდაჭერით, ფორუმის შედეგების მიხედვით, დაიწყება პროექტები სომხეთში ტერიტორიების განვითარების, მდგრადი განვითარებისათვის რეგიონული ახალგაზრდული ჰაბებისა და კულტურული კლასტერების შესაქმნელად.
8-დან 10 დეკემბრის ჩათვლით ფორუმის მონაწილეები დაეუფლებიან პროექტების, გუნდური და ანალიტიკური მუშაობის უნარებს, რეგიონული პროცესების ღრმად გააზრებას, შეხვდებიან საინტერესო ადამიანებს, იპოვიან მეგობრებსა და თანამოაზრეებს.
მონაწილეთა სია გამოცხადებული კონკურსის საფუძველზე შეივსო. განვითარების ლიდერების ფორუმი მონაწილეებს შესაძლებლობას აძლევს სომხეთის რეგიონების განვითარებაში საკუთარი თავი ლიდერად გამოსცადონ, შეხვდნენ ცნობილ ადამიანებს, გახდნენ საინიციატივო ჯგუფის ნაწილი და მიიღონ მხარდაჭერა მათ მიერ წარდგენილი პროექტებისთვის.
განვითარების ლიდერების ფორუმის პარტნიორები:
- უნივერსიტეტი “პროგრესი” (სომხეთი);
- კომუნიკაციების განვითარების ეროვნული კვლევითი ინსტიტუტი (რუსეთი);
- საინფორმაციო და ანალიტიკური ცენტრი (IAC) VERELQ (სომხეთი);
- საინფორმაციო და ანალიტიკური ვებგვერდი „Dalma News“ (სომხეთი).
