Rusiyanın “Qazprom” korporasiyası və Azərbaycan Dövlət Neft Şirkəti (SOCAR) Rusiyadan Azərbaycana qaz tədarükünün bərpa edilməsinin perspektivlərini müzakirə ediblər.

Oxu.Az bu barədə TASS-a istinadən xəbər verir.

“Tərəflər enerji sahəsində ikitərəfli qarşılıqlı faydalı əməkdaşlıq məsələlərini müzakirə ediblər. Söhbət “Qazprom” tərəfindən Azərbaycana təbii qaz tədarükünün bərpa edilməsindən gedib”, deyə məlumatda qeyd olunub.

Qeyd edilib ki, qaz ixracı Azərbaycanın bu enerji daşıyıcısına artan ehtiyaclarını ödəməyə imkan verəcək.

“Qazprom” korporasiyasının rəhbəri Aleksey Miller və SOCAR prezidenti Rövnəq Abdullayev arasında görüş ötən gün Rusiyanın Sankt Peterburq şəhərində baş tutub.

LEAVE A REPLY

Please enter your comment!
Please enter your name here