Bakıda gənc gürcü yazıçısı Georgi Кекеlidzеnin «Quriya gündəlikləri» kitabının Azərbaycan versiyasının təqdimatı olmuşdur. Əsər Bakının oxucu dairələrində böyük maraqla qarşılanmışdır. Azərbaycan dilinə isə romanı İmir Məmmədli tərcümə etmişdir.

«İnternetin axtarma sistemində «Quriya gündəlikləri»ni yazmaq kifayətdir ki, o, dərhal onlarla resenziya versin. Bu gün Quriya Bakı sakinləri arasında dəbdədir…», – deyə Georgi Кекеlidzе Facebook sosial şəbəkəsindəki səhifəsində qeyd etmişdir.

Kitab-iki hissədən ibarət sənədli avtobioqrafik romandır: birincisi 2014-cü ildə yazılmış və gürcü regionlarından birinin – Quriyanın tarixinə həsr olunmuşdur; ikincisi 2016 cı ildə işıq üzü görmüş və yazıçının atası, eləcə də nənəsindən söz açır. Kitab öz populyarlığı ilə seçilir, lakin müəllif ümid edir ki, gənclər onu dəbi təqlid etmək və gəlişi gözəllik naminə oxumurlar.

16998971_1449417205069115_3136879223640381746_n«Mənə kitabın nə üçün oxucunun xoşuna gəldiyini söyləmək çətindir. Azərbaycanın mətbu nəşrləri «Quriya gündəlikləri»nə böyük məqalələr həsr etmişlər. Zənnimcə, bu cür münasibətlər ölkələrimiz üçün çox əhəmiyyətlidir, çünki mədəniyyət hökumətləri bir araya gətirən körpüdür», – deyə Georgi Кекеlidzе Dalma News-ə müsahibəsində bildirmişdir.

Kitab ölkə tarixinin ağır dövründən – XX əsrin müəllifin uşaqlığının təsadüf etdiyi 90-cı illərindən bəhs edir. Georgi kitabında bir dəfə anasının öz oğlunun şeirini Tbilisiyə aparmasından danışır. Yeniyetmə öz yaradıcılığına görə prezident təqaüdü alır. Bu pula ailə televizor alır.

«O zaman bizim üçün bu televizordan baha bir şey mövcud deyildi. Bütün ailə adi və yeknəsəq proqramlara qürur və təskinlik hissi ilə baxırdı», – deyə yazıçı xatırlayır…

Kimin ağlına gələ bilərdi ki, bir neçə il sonra Ozurqeti şəhərində Кекеlidzеnin sözügedən «Quriya gündəlikləri» kitabının şərəfinə xüsusi təqaüd təsis edəcəklər. Satışdan əldə olunan qonorarın bir hissəsi ianələrlə birlikdə təqaüd fonduna gedəcək. Müsahibənin nəticələrinə görə 100 lari aylıq qonorarla stependiat olmaq mümkündür.

Имир Мамедли
İmir Məmmədli

«Quriya gündəlikləri»nin tərcüməçisi İmir Məmmədli Gürcüstanda Kasp rayonunun Paşiani kəndində anadan olmuşdur. İmir Tbilisi dövlət universiteti, filologiya fakültəsinin məzunudur. Məmmədli Gürcüstan dövlət mükafatı laureatı, eləcə də Azərbaycan ədəbiyyatı sahəsində stependiatdır. O, həmçinin Azərbaycan İctimai radiosunda ədəbiyyat və incəsənət şöbəsinə rəhbərlik edir, dördü gürcü dilində yazılmış bir neçə kitabın müəllifidir. Məmmədlinin kitabları yeddi filmin əsasını təşkil etmiş, üç pyesi Azərbaycan teatrında tamaşaya qoyulmuşdur. Ulu Şota Rustavelinin «Pələng dərisi geymiş pəhləvan» əsərinin tərcüməsi Məmmədlinin qələminə məxsusdur.

«Mən gürcü ədəbiyyatı ilə maraqlanıram,. Nəsr çox inkişaf edib və hər bir əsərdən nəsə yeni bir şey gözləyirəm,. Məhz buna görə də xüsusilə gənc yazıçıların yaradıcılığını maraqlı hesab edirəm», – deyə Мəmməдli vurğulayır.

Мəmmədli Кекеlidzеni dahi Nodar Dumbadze ənənələrinin sədaqətli ardıcılı hesab edir. O, etiraf etdi ki, tərcümədə yazıçı dil və yslubunu saxlamağa çalışmışdır. O, həmçinin Besik Хаranauli, Ak Моrçalidze, Quram Оdişari, Аrçil Кiкоdze və bir çox digər yazıçıların poetik incilərinin pərəstişkarıdır.

18009364_1352238868168680_1171567845_n
Georgi Кекеlidze

Georgi Кекеlidze həmçinin, Gürcüstan Milli parlament kitabxanasına rəhbərlik edir. O, gürcü ədəbiyyatının populyarlaşma layihələrinə rəhbərlik edir ki, bunun çərçivəsində dünyanın müxtəlif şəhərlərinin kitabxanalarında gürcü ədəbiyyatı guşələri açılır. Belə bir guşə artıq dünyanın İstanbul, Kiyev, Nyu-York, Cakarta, Münhen, Frankfurt, Roma, Madrid, Milan və 25 şəhərində fəaliyyət göstərir. Tezliklə onu Azərbaycan Milli kitabxanasında da açacaqlar. Bir ay əvvəl isə Yerevan dövlət universitetində də gürcü ədəbiyyatı guşəsi açımışdır.

Bakı kitabxanasında gürcü və Azərbaycan dillərində 500 kitab, klassik və müasir ədəbiyyatdan tərcümələr, eləcə də Gürcüstana dair kitablar yerləşəcək. Gürcü həmkarların yardımı ilə Azərbaycan kitabxanasında müxtəlif vaxtlardan mühafizə olunmuş fotoşəkillərin digital foto-salnaməsi yaradılacaq. Belə yenilik Gürcüstanda artıq fəaliyyət göstərir.

Şorena Papaşvili Dalma News-üçün

Foto: Sputnik